केसिटिसी र रोयल पिसी रुस्लान कपको क्वार्टरफाइनलमा

काठमाडौं (हाम्रो खेलकुद) – दोस्रो रुस्लान कप क्रिकेट टि–ट्वान्टी क्रिकेटको दोस्रो दिन बुधबार आयोजक रुस्लान काठमाडौं क्रिकेट ट्रेनिङ सेन्टर (केसिटिसी) र रोयल पिसी फाइटर विजयी हुँदै क्वार्टरफाइनलमा पुगेका छन् । कीर्तिपुरस्थित त्रिवि मैदानमा केसिटिसीले क्यानन क्रिकेट क्लबलाई ७ विकेटले र रोयलले खहरे क्रिकेट क्लबलाई ६ विकेटले हराएको थियो ।

img_9248-copy-1024x683

१ सय १२ रनको लक्ष्य पछ्याएको केसिटिसीले १५ ओभरमा ३ विकेट गुमाएर १ सय १४ रन बनाएको थियो । टोलीका लागि सञ्जय बस्नेतले अविजित सर्वाधिक ४२ रन बनाए । म्यान अफ दी म्याच सञ्जय २८ बलमा ७ चौका प्रहार गरे । विवेक रानाले अविजित ११ रन बनाए भने अदिल खानले १३ रन जोडे । ओपनरद्वय विपिन आचार्य र सुमित महर्जनले समान ११ रन बनाए । क्याननका दीलिप जैसवाल २ र अजयकुमार ठाकुरले १ विकेट लिएका थिए ।
त्यसअघि टस हारेर ब्याटिङको निम्तो पाएको क्याननले निर्धारित २० ओभरमा ५ विकेट गुमाएर १ सय ११ रन बनाएको थियो । टोलीका लागि सुमन ठाकुरले सर्वाधिक ३८ रन बनाएका थिए । त्यस्तै भुवन बस्नेतले १५, अजयकुमार ठाकुरले १३ रन जोडे । केसिटिसीका दीलिपले २ र अजयकुमारले १ विकेट लिए ।

img_9271-copy-1-copy
अर्को खेलमा १ सय १६ रनको विजय लक्ष्य पछ्याएको रोयलले १२.२ ओभरमा ४ विकेट गुमाउँदै १ सय १७ रन बनाएको थियो । रोयलका लागि ओपनर रविनले अविजित अर्धशतक बनाएका थिए । म्यान अफ दि म्याच रविनले ३० बल खेल्दै ७ चौका र ३ छक्काको मद्दतमा ५६ रन बनाएका थिए । विजय सुनारले २९ र अर्का ओपनर धनबहादुर कार्कीले २३ रन बटुले । खहरेका रामबहादुर रानाले २, सञ्जम रेग्मी र रोशन पुलामीले समान १ विकेट लिए ।
टस जितेर ब्याटिङ गरेको खहरेले २० ओभरमा ७ विकेट गुमाउँदै १ सय १५ रन बनाएको थियो । टेलीका ओपनर कृष्ण अधिकारीले २०, अमृत थापाले २६ र अनिल थापाले २३ रन बनाए । रोयलका धिरज शाही, सुरेन्द्र चन्दले समान २ तथा रविन खत्री र विजय सुनारले १÷१ विकेट लिए ।

रुस्लान कप क्रिकेटमा बिहीबारको खेल
हिमालयन ह्वाइट हाउस कलेजविरुद्ध पिसी फाइटर ११
नेपाल राइनोजविरुद्ध एपिएफ

Notes Nepal
loading...

Loading...

ताजा समाचार