यस्तो पो प्रेम ! प्रेमीका लागि राजदरबार छोड्दै जापानी राजकुमारी !

Loading...

जापानकी राजकुमारी माकोले एक आम जापानी नागरिकसँग विवाह गर्न लाग्नुभएको छ । त्यति मात्रै होइन, उहाँले विवाहका लागि शाही खानदान नै त्यागेर विवाह गर्न लाग्नुभएको हो ।

जापानका सम्राटबाट अनुमति पाएपछि राजकुमारी माकोले विवाहको घोषणा गर्नुभएको हो । यो घोषणासँगै विवाहको लामो प्रक्रिया पनि सुरु भएको छ । यसैका साथ उहाँको शाही दर्जा पनि सकिनेछ ।
जापानको एक विवादित कानुनका अनुसार राजपरिवारको महिला सदस्यले आम नागरिकसँग विवाह गरेमा आफ्नो शाही दर्जा गुमाउनु पर्नेछ । तर कोही पुरुष सदस्यले त्यसो गरेमा पनि उसको शाही दर्जा भने कायमै हुनेछ ।
आइतबार पत्रकारहरुसँग कुरा गर्दै राजकुमारी माकोले कोमूरोको सूर्यको जस्तो मुस्कानले आफूलाई लोभ्याएको जानकारी दिनुभएको थियो । माको भन्नुहुन्छ, ‘मलाई सानैदेखि थाहा थियो कि विवाहपछि मैले आफ्नो शाही दर्जा गुमाउने छु ।’ उहाँले भन्नुभयो, ‘म शाही परिवारको सदस्य भएकाले हरेक शाही कामलाई सफल तुल्याउन हरसम्भव प्रयास गरेँ । म आफ्नो जीवन पनि आफ्नै चाहना अनुरुप बिताइरहेकी थिएँ ।’

राजकुमारी माकोका २५ वर्षका प्रेमी कोमूरो एउटा पुरानो कानूनी फर्ममा काम गर्नुहुन्छ । एउटै विश्वविद्यालयमा अध्ययनको समयमा उहाँहरुको भेट भएको थियो । टेलिभिजनमा प्रसारित प्रेस कन्फ्रेन्समा कोमूरो बोल्दै गर्दा राजकुमारी उहाँलाई हेर्दै मुस्कुराउनुभएको थियो ।
२५ वर्षकी राजकुमारी माको राजकुमार फूमीहीतोकी सबै भन्दा ठूली छोरी हुनुहुन्छ । उहाँ विद्यावारिधी गर्दै हुनुहुन्छ । राजकुमारी जुलाईमा नै आफ्नो विवाहको घोषणा गर्ने तयारीमा हुनुहुन्थ्यो तर जापानको पश्चििमी क्षेत्रमा ठूलो वर्षाले ल्याएको विपदले गर्दा पछि सरेको थियो ।

Loading...



Loading…