असोज १० बाट बसको टिकट बुकिङ खुल्ने

काठमाडौं, १ असोज । दशैंमा घर जानेका लागि अग्रिम टिकट बुकिङ खोल्ने निर्णय भएको छ । १० असोजबाट बुकिङ खुल्ने निर्णय भएको हो ।

यातायात व्यवस्था विभाग, ट्राफिक प्रहरी र यातायात व्यवसायीबीच छलफल भई टिकट बुकिङ खोल्ने मिति तय भएको हो । दशैं आउनुभन्दा १० दिन अगावै टिकट बुकिङ खोलेर घर जान चाहने यात्रुका लागि सहज व्यवस्था गराउने पहल भएको हो ।

यसवर्ष विभिन्न स्थानमा गाडीको व्यवस्थाबारे समेत तयारी भइसकेको छ । भाडा वृद्धिलाई नै यथावत् राखेर टिकट बुकिङ खोल्ने निर्णय भएको हो ।